A Roma

[patrizia]

ghe xe vòlte che te penso
intanto che me giro drento el leto
e ti te dormi e ti te ronchesi*
cossa che te te insogni
co' ea man che rumega° ea camisa
quea longa, de me àmia^, che no te piaze
penso se te serchi de mi
e sò curiosa, sò geosa, ma no te sveio
me giro drento el leto, soto e cuerte,
a voria però saltarte de sora°°
ma sto a cucio**
podaria sentir qua drento el fredo de fora^^


-------------

legenda:
* ronchési = russi (v.d.v. russare)
° rumega = cerca scarfogliando (v:d.V. cercare)
^ amìa = zia
°° sora = sopra
** cùcio = cuccia
^^ fora = fuori, all'esterno